EQUILIBRIO INVERTIDO 1ºEP

Fantástico exercicio de equilibrio do alumnado de 1ºEP, tan pequeniños e o esforzo que amosan!!!

CAMPIONATO PROVINCIAL DE CROSS ESCOLAR 2022-23

Dentro do programa Xogade, o 1 de febreiro viaxamos ata Portas (Pontevedra) para participar coas clases de 5ºEP e 6ºEP (clasificadas nas carreiras zonais) no Campionato Provincial de Cross Escolar. Grande esforzo de todos os alumnos e alumnas polo que estamos moi orgullosos da vosa participación. Parabéns!!!

CROSS ESCOLAR DO VAL MIÑOR 2022-23

A Concellería de Deportes do Concello de Baiona organizou o día 18 de decembro o XXIII Cross Escolar do Val Miñor 2022-23. Participamos nas diversas categorías e, a pesar do vento que fixo, participaron moitos nenos e nenas do cole.

Parabéns a todos e todas polo esforzo realizado!!! 

CIRCUÍTO DE FORZA 6ºEP

Circuíto de forza elaborado polos propio alumnado. 

Que maneira de traballar!!!

CAMPIONATO XOGADE CAMPO A TRAVÉS EN HORARIO LECTIVO 2022-2023

A Secretaría Xeral para o Deporte da Xunta de Galicia en colaboración coas Agrupacións Deportivas Escolares organizaron esta competición de campo a través destinada ao alumnado dos Centros Educativos participantes no programa XOGADE.

A finalidade desta actividade é a dinamización e promoción do Deporte Escolar mediante a participación inclusiva de todo o alumnado desde 2ºEP ata 6ºEP. Levouse a cabo en horario lectivo, o 11 de novembro na praia de Ladeira (Baiona).

Parabéns para os nosos chicos e chicas que fixeron unhas carreiras enormes!!!

INICIO CURSO 2022-23

COMEZAMOS UN NOVO CURSO ESCOLAR 2022-23, PERO XA SEN MÁSCARA!!!

MATERIAL NECESARIO DE EDUCACIÓN FÍSICA PARA 

ALUMNADO DE PRIMARIA

• Roupa deportiva (chándal, camiseta, pantalón de deportes, segundo a época do ano…)
• Calzado axeitado para realizar exercicio físico.
• Material de aseo: toalla pequena, xabón ou xel e outra camiseta limpa.

VISITA DO CLUB SEIS DO NADAL DE BALONMÁN

O club Seis do Nadal de Balonmán cos adestradores Guillermo e Irene, visitounos os días 8 e 10 de xuño para realizar xogos predeportivos relacionados co balonmán.

Velaquí unha mostra dos xogos realizados:

Nos meses de verán realizarán un campus gratuíto no Pavillón de Panxón. Podedes contactar para a inscrición no correo electrónico do cartel.

CIRCUÍTO DE EDUCACIÓN VIAL PARA 4ºEP E 5ºEP

Hoxe tivemos a sorte de contar con Aser Estévez, corredor do Ciclismo Oiense e o alumnado de 4ºEP e 5ºEP practicou un circuíto de habilidades coas súas bicicletas. Grazas ás familias pola colaboración!

Aquí unha mostra da  sesión:

VISITA DO CLUB DE FÚTBOL FEMININO LÓSTREGO

O xoves 24 de marzo visitounos o Club de Fútbol Feminino Lóstrego de Chaín (Gondomar) representado por Ana, Alex e Gabi como xogadoras e adestrador.

O alumnado de 4º de educación primaria quedou encantado coa presentación realizada na aula onde descubrimos o mérito que ten este club por ser dos pioneiros da provincia de Pontevedra e de Galicia en apoiar o deporte feminino e en fomentar a igualdade.

Nos próximos días virán tamén para os cursos de 5º e 6º. 

Seguro que moitas das nenas do cole xa están desexando ir aos adestramentos porque a parte práctica foi moi divertida como podedes comprobar no seguinte vídeo. 

Grazas Ana, Alex e Gabi polo traballo que desenvolvedes a prol da igualdade de sexos:

VELOCIDADE

Aquí un exemplo de como traballar a velocidade de forma lúdica:

SEMANA DE BOLOS CELTAS CON BLANCA LAGO

Na semana do 7 ao 11 de febreiro tivemos a sorte de ter no Centro á Campiona de España e Galega de bolos celtas, Blanca Lago, pertencente ao Club de Bolos Celtas A Estivada de Baiona.

Aprendimos moitas cousas deste xogo tradicional e das súas variedades. No seguinte vídeo podedes apreciar como foi a semana:

XXII CROSS ESCOLAR DO VAL MIÑOR 2021

A Concellería de Deportes do Concello de Baiona organizou o día 19 de decembro o XXII Cross Escolar do Val Miñor 2021.  Participamos dunha xornada moi deportiva con moitos nenos e nenas do colexio, a pesar de que houbo algunhas baixas producidas pola Covid. 

No seguinte enlace podedes consultar os resultados da competición e descargar moitas fotos: https://valminortv.com/2021/12/21/o-cros-volve-a-ladeira/

Parabéns a todos os participantes polo voso esforzo e ás nais e pais por levalos!!!

INICIO DO CURSO 2021-22

COMEZAMOS UN NOVO CURSO ESCOLAR E OUTRA VEZ CON MÁSCARA, PERO SEGURO QUE O PASAREMOS MOI BEN!!!

MATERIAL DE EDUCACIÓN FÍSICA

• Roupa deportiva (chándal, camiseta, pantalón de deportes, segundo a época do ano…)

• Calzado axeitado para realizar exercicio físico.

• Máscara de reposto.

• ALUMNOS/AS DE 1º e 2º EP: non teñen que traer material para o aseo persoal. Utilizarán auga e xabón do centro para asearse.

  

• ALUMNOS/AS DE 3º, 4º, 5º e 6ºEP: teñen que traer material para o aseo persoal (toalla pequena, xabón ou xel, outra camiseta limpa, etc.).

MÁIS HABILIDADES EN 4ºEP

HABILIDADES E DESTREZAS MOTRICES

As habilidades e destrezas motrices debemos traballalas en todos os cursos, e este ano máis: