EXERCICIOS DE HABILIDADE: LANZAMENTOS, EQUILIBRIO...

Alumnos e alumnas de 1º EP nun circuíto con exercicios de habilidade: lanzamentos, bote e equilibrio.

COÑECE O MEU CLUB: AGRUPACIÓN DEPORTIVA VINCIOS DE TENIS DE MESA

Marcos e Iván, xogadores e adestradores da Agrupación Deportiva Vincios de Tenis de Mesa estiveron hoxe na hora do recreo para realizar unha exhibición do seu deporte e para ensinarnos algúns xestos técnicos. Serán os adestradores da actividade extraescolar no cole e será gratuíta. Grazas por vir!!!

COÑECE O MEU CLUB: CLUB DE TENIS DE GONDOMAR

 

Alejandro, entrenador do Club de Tenis de Gondomar, estivo con nós, para amosarnos o divertido que é o tenis. Polas tardes adestrará no cole a todos/as os que queirades practicalo. 
ANOTÁDEVOS!!!

OFERTA DEPORTIVA 2018-19

É importantísimo que realicedes unha actividade física ou un deporte pola tarde e que a vosa alimentación sexa completa e equilibrada. 

Exercicio físico + Alimentación sa= Saúde.

Busca o deporte que máis te guste!!!

Aquí tedes a oferta das Escolas Deportivas Deputación do Concello de Gondomar. En breve sairán as actividades que organiza a ANPA no colexio. Elixide a actividade que máis vos guste!!!:

BENVIDOS AO CURSO 2018-19

COMEZAMOS UN NOVO CURSO ESCOLAR CON MOITA ACTIVIDADE DEPORTIVA!!!

MATERIAL DE EDUCACIÓN FÍSICA

• Roupa deportiva (chándal, camiseta, pantalón de deportes, segundo a época do ano…)
• Calzado axeitado para realizar exercicio físico.


• ALUMNOS/AS DE 1º e 2º EP: non se duchan pero teñen que traer material para o aseo persoal: toalla pequena, xabón ou xel, outra camiseta limpa, etc.

  
• ALUMNOS/AS DE 3º, 4º, 5º e 6º EP: a ducha é obrigatoria ó finalizar a sesión: toalla, xabón ou xel, chanclas, outra  e muda limpa, etc.

ATLETISMO EN PISTA 5ºEP

Os nenos e nenas de 5º de Educación Primaria asistimos o 13 de xuño  ao Centro Galego de Tecnificación Deportiva (CGTD) de Pontevedra para realizar unha serie de probas de atletismo con outros colexios da provincia: 60m lisos, salto de lonxitude, 500m lisos, lanzamento de peso, lanzamento de vortex e relevos 4x60m lisos. Noraboa aos campións de 5ºEP polo esforzo!!!

XOGOS POPULARES DO VAL MIÑOR 2018

O venres participamos na  VIII Xornada de Xogos Populares do Val Miñor.

As actividades realizáronse no Campo das Cercas en Gondomar. Participamos colexios de Baiona, Nigrán e Gondomar.

Había vinte estacións de xogos: peóns, ras, mariolas,canicas, chaves, gomas, lombos de burro, petanca, carreira de sacos, zancos ... 

Formáronse grupos con alumnos/as de distintos centros e puidemos compartir moitas experiencias.

Clicade aquí e poderedes ver un vídeo da xornada:
http://segundociclovincios.blogspot.com/2018/06/xogos-populares.html

Que ben o pasamos!

"Xornada de Xogos Populares"

Xogos Val Miñor

FROITA NA ESCOLA 2017-18

Desde o ano 2009 a Unión Europea conta co Plan de froita nas escolas, destinado a repartir froitas e hortalizas. 

Este ano concedéronnos outra vez as axudas para distribuír froitas frescas ao alumnado e durante catro semanas repartiranse distintas froitas aos nenos/as na hora do recreo. 

do 21-25 de maio

do 28 de maio-1 de xuño

do 4-8 de xuño

do 11-15 de xuño

AliméntaTBen é un programa da Consellería do Medio Rural e do Mar, coa colaboración da Consellería de Cultura, Educación e Ordenación Universitaria e da Consellería de Sanidade, que contribúe á mellora dos hábitos alimenticios e a unha nutrición saudable para o alumnado dos centros educativos galegos. O obxectivo deste programa é potenciar o consumo de froitas entre o alumnado. 

 Así que, a comer moita froitaaaaa!!!

5ºEP e 6ºEP: SPINNING, PILATES, TONIFICACIÓN, NATACIÓN E XOGOS ACUÁTICOS

Un ano máis o alumnado de 6ºEP acudíu ás instalacións da Ramallosa para realizar exercicio en horario escolar: spinning, pilates, tonificación, natación e xogos na auga.

Damos as grazas á Comunidade de Montes de Vincios polo apoio a esta actividade.
No seguinte vídeo podedes ver o traballo realizado:

XXV CROSS ESCOLAR SANTA MARIÑA DE VINCIOS

O sábado 5 de maio celebramos na nosa parroquia a Festa do Deporte de Vincios onde se desenvolveron multitude de actividades para tódalas idades, desde un duathlon ata exhibicións de tiro con arco (a cargo do Club Serra de Gondomar) e canicross (Club Kennel Den). Para os máis pequenos, o Cross Escolar onde participaron arredor de 50 alumnas e alumnos do Centro. A ANPA axudou a organizar esta xornada de festa. Parabéns!!!

VISITA DA ALPINISTA CHUS LAGO

O 30 de abril visitounos a alpinista Chus Lago, contounos as súas aventuras e ata chegou a emocionarnos. Entre os seus logros destacan: 

• 1ª muller en alcanzar o Polo Sur.
• 1ª muller española e 3ª do mundo en escalar o Everest sen axuda de osíxeno artificial.

Todos e todas fixémoslle moitísimas preguntas e a mensaxe quedou clara: "con esforzo e traballo podemos conseguir todos os nosos soños".

Grazas Chus, que día máis emotivo!!!

VIII CAMPIONATO DE NATACIÓN ESCOLAR

O domingo día 29 de Abril, celebrouse nas instalaciones deportivas da Piscina Mancomunada do Val Miñor da Ramallosa, a VIII edición do Campionato de Natación Escolar dentro do programa Xogade da Xunta de Galicia. 

Do noso cole participaron:

• Helena Domínguez Durán (1ºEP)
• Paula Piñeiro González (3ºEP)
• Nicolás Cedric Pérez Fernández (6ºEP)
• Samuel Yuma Pérez Fernández (2ºEP)

Parabéns por participar nas diferentes probas!!!

Para máis información sobre os resultados e fotos da competición:

https://www.facebook.com/pg/deportes.baiona/photos/?tab=album&album_id=1730469086992167

XOGADE: SESIÓN DE JUDO EN GONDOMAR

Alumnas e alumnos de 2º de Primaria do cole participamos na mañá do xoves 22 de febreiro nunha xornada de iniciación ao Judo no Pavillón Municipal de Deportes de Gondomar.

Foi organizada pola Federación Galega de Judo e a Secretaría Xeral para o Deporte da Xunta de Galicia para fomentar a práctica deste deporte e educar en valores como o compañeirismo ou a deportividade. Fixemos moitas amigas e amigos dos coles do CEIP Chano Piñeiro e CEIP Souto Donas.

Pasámolo en grande!!!

CIRCUÍTO DE HABILIDADES MOTRICES DE 6ºEP: O BOTE

As alumnas/os de 6º EP realizamos un circuíto de manexo de balón coa man dominante. Que difícil!!!

CROSS PROVINCIAL EN PORTAS (PONTEVEDRA)

O Servizo Provincial de Deportes de Pontevedra da Xunta de Galicia, a Federación Galega de Atletismo e a Agrupación Deportiva Pontevedra Base, organizaron o Campionato Provincial da modalidade CAMPO A TRAVÉS para Centros Educativos do programa XOGADE. O 23 de xaneiro viaxamos ao Circuito de A AZUCAREIRA (PORTAS) con moitos nenos e nenas doutros coles da provincia e competimos nesta proba que é xa moi moi difícil.

Aínda así, fixémolo moi ben, coñecimos novos amigos e amigas e disfrutamos durante toda a mañá.

Zaira, Alba, Emma e Adhara de 2ºEP e Ivo, Mar, Alba, Enea e Andrea de 3ºEP foron os representantes do cole xa que se clasificaron no anterior cross zonal realizado en Sabarís.

Noraboa!!!